[香港經典廣告](1991)楊協成清涼爽 (林保怡)

早排天氣持續酷熱，真係要飲嘢消暑！今日同大家分享嘅都係1991年楊協成清涼爽嘅廣告。楊協成係新加坡嘅上市飲品公司。楊協成集團喺1900年由楊景連喺中國福建漳州創立，製造醬油起家，之後做埋飲品，係亞洲第一個製作紙包飲品嘅公司，並且喺新加坡同馬來西亞股票上市。楊協成清涼爽由細細過飲到而家都仲有得賣，不過始終都會發生嘅係飲淨啲涼粉喺個罐入面！廣告入面有林保怡做交通警，喺熱爆錶嘅溫度下面，緊係想飲返罐清涼爽，口渴即刻Stop！