Share
HK-youtuber HK-youtuber

[香港經典廣告](1988)美源髮采 (曾江)

藝人曾江今日早上被發現倒斃喺尖沙咀指定檢疫酒店房間，終年87歲。 今日分享嘅廣告係一個播足四十年嘅廣告，男主角就係當年嘅粵語片小生曾江。 廣告連過年都有農曆新年特別版對白「恭喜發財，美源髮采恭喜大家發財」，曾江由年輕賣到老。 原名曾貫一的曾江，1955年憑國語片《同林鳥》首登銀幕，其後到美國修讀建築，回港後曾任建築師。 曾江係上世紀60年代當紅小生之一，曾於1967至1970年4年間參演80部影片。80年代後期，曾江開始涉足電視劇，演出的電視劇包括《射雕英雄傳》、《笑傲江湖》等，近年亦參與電視節目製作。 曾江投身演藝生涯近70年，除咗參演多套經典港產片，如《英雄本色》、《寒戰II》等，亦曾登陸美國荷里活，演出《新鐵金剛之不日殺機》和《藝伎回憶錄》等多部作品。他喺2014年憑《竊聽風雲3》奪得香港電影金像獎最佳男配角獎。 曾江為觀衆熟悉的另一面，就係呢個染髮品牌廣告，廣告喺40幾年前拍攝，被視為最長壽嘅電視廣告之一。 廣告經典對白： 做乜咁煩呀？白頭髮！你又煩？搽咗啲咩呀？黃黚黚咁嘅？學我啦！ 梳啲美源髮采，逐漸變黑又得，立即變黑晒亦得，得咗。 美源髮采，無得彈！

Leave a Reply