跟白種元搵食!中環牛雜麵檔60年歷史 每日排長龍!土瓜灣雙餸飯平民恩物 $33抵食夾大件|美食新聞報道|TVB Plus
#TVBPlus #美食新聞報道 |跟白種元搵食!中環牛雜麵檔60年歷史 每日排長龍!土瓜灣雙餸飯平民恩物 $33抵食夾大件 店名:https://bit.ly/3V41StP 今集《美食新聞報道》嘅黑白大廚系列就由蔡景行行仔帶大家跟住白種元推介路線去搵食! 第一站去到中環六十年歷史嘅牛雜麵檔,依家已經傳到第四代,每日大排長龍。牛雜全部喺朝早新鮮到貨,每碗牛雜麵都係新鮮出爐,湯底相當濃郁,牛雜清洗得十分乾淨,牛粉腸入口滑嫩,蛋麵爽口嘅同時鹼水味啱啱好,牛膀吸曬湯底嘅精華。白種元亦推介獨家食法,將自家製辣椒醬放入湯底,將牛肚蘸上辣椒醬,又辣又煙韌。而每日限量供應嘅新鮮門鱔炸魚皮,浸入湯底後鹹香味撲鼻,脆卜卜~ 第二站去到土瓜灣馬頭角道食雙餸飯,白種元仲試過喺公園踎住食!魚香茄子裡面嘅茄子燜到腍,醬汁配上鹹魚味慢慢滲入,非常「送飯」。椒鹽豬扒份量十足,切成闊條狀嘅豬扒有成個手板咁大條,金黃外皮,豬扒肉汁豐富唔乾身。至於黑椒薯仔牛仔骨,黑椒汁將牛肉全面覆蓋,入味非常。最後一道招牌餸醬燒雞扒,原塊雞扒超大塊,芝麻撒喺照燒汁上,濃郁嘅照燒汁甜得嚟又開胃,抵食夾大件,完全係糧尾恩物! 01:42 牛雜麵 04:00 新鮮門鱔炸魚皮 06:50 雙餸飯 魚香茄子+椒鹽豬扒 07:50 雙餸飯 黑椒薯仔牛仔骨+醬燒雞扒 #美食新聞報導 #白種元 #黑白大廚 #中環美食 #土瓜灣美食 #香港美食 #中環 #土瓜灣 —————————————————— 記得Follow 埋TVB Plus嘅social media❤️: / tvbplus.official
/ tvbplus