獨家丨傅嘉莉《星光路上》自爆諗過離開娛圈 淚崩感謝監製鍾澍佳：佢救番我
獨家丨傅嘉莉《星光路上》自爆諗過離開娛圈 淚崩感謝監製鍾澍佳：佢救番我 傅嘉莉（Kelly）喺《香港人在北京》神還原「火雞姐」掀起熱話，近日佢接受TVB娛樂新聞台節目《星光路上》，與主播潘盈慧訴說入行20年，曾諗過離開娛圈。 傅嘉莉記得讀書時期曾喺髮型屋幫人洗頭，後來認識一位Auntie帶台灣模特兒來港casting，開始明白模特兒嘅工作。傅嘉莉當時有一位拍拖9年嘅男友，對方從事模特兒工作，有次佢同男友一齊去日本旅行撞到男友啲同事，被問有冇興趣做模特兒，傅嘉莉決定試吓，一做就做咗8年幾，之後模特兒公司收到梁家樹先生邀《衝上雲霄II》casting，傅嘉莉成功演咖啡妹Jose入屋，有機會跟胡杏兒、吳卓羲及張智霖等合作，佢認為呢份係好大嘅禮物。 傅嘉莉近年喺《愛我請留言》演皎妃扮鬼扮馬、《一舞傾城》演舞女Paula、《廉政狙擊》演性感小三尹在詩等角色，令觀眾印象深刻，傅嘉莉認為喺《一舞傾城》演Paula呢個角色有年代感，反而《廉政狙擊》講現代喺對白上有冇咁多掣肘，佢坦言幾鍾意《一舞傾城》跟蔡淇俊喺酒店房嗰場戲，更獲姚子羚讚呢場戲演得好 傅嘉莉又指拍《香港人在北京》演徐港文助手芬妮，有感總監製鍾澍佳先生救番佢，講完即忍唔住喊，因為傅嘉莉前段時間係扮演性感靚女及小三角色，外在畀人覺得就係負面新聞講嘅女仔，傅嘉莉邊喊邊講：「好鍾意『芬妮』呢個角色好男仔頭，好多謝佢當初咁唔認識我，但係畀咗咁大嘅強心針畀我，嗰幾年曾諗過呢行……（唔再啱自己？）係！」傅嘉莉一度有諗過唔做呢行，所以佢走去讀書，直至有呢套劇同鍾澍佳先生出現，令佢再喺呢行堅持下去。 #傅嘉莉 #潘盈慧 #星光路上 #香港人在北京 #火雞姐 #模特兒 #愛我請留言 #一舞傾城 #廉政狙擊 #芬妮 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁 
/ tvbenews 登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
