[香港經典廣告](1993)和記傳訊天地綫 (黎明)

今日繼續同大家分享1993年嘅電訊廣告，今次係和記傳訊嘅天地綫。網上睇過嘅一般都係30秒長嘅版本，今次同大家分享45秒長嘅版本！呢個廣告係第一個黎明同和記合作嘅廣告。廣告入面黎明喺黃埔傾情天地唱《夏日傾情》，而阿May就因為腳傷去唔到睇Leon演唱會，跟住Leon就透過手提電話問候佢，超驚喜。「May？你點呀」呢句好多人應該都記得，而之後嘅和記廣告，好多廣告女主角都係叫阿May。和記天地綫屬於第二代無線電話，都係要喺指定範圍先至可以打出電話，但唔打得入，通常配合Call機一齊用，當年好多人真係會喺街搵電話打上Call台聽口訊。