[香港經典廣告](1993)胃仙-U

今日同大家分享1993年嘅胃仙-U嘅廣告。呢個廣告播咗好多年，秘書同大老細去土地拍賣會投地，一開始志在必得咁，叫咗幾口價，大老細突然胃痛，塊地叫到三億元，都已經兩口價，幾乎成交，大老細突然冇事，最後三億五千萬成交。大老細用咗幾秒時間食胃仙-U，由有事到冇事，勁！胃仙U嘅電視廣告緊貼香港生活之餘，都好有娛樂性，令觀衆有深刻印象。 1990年代曾經有亞姐李菁扮演清唱高音唱爆玻璃杯嘅一幕﹔又有99年模仿保險經紀訓話叫口號「一二三四五六七，多勞多得」，十分經典。