[香港經典廣告](1994)滙豐銀行 (老夫老妻篇)
今日同大家分享嘅係1994年滙豐銀行嘅廣告。 香港進入回歸過渡期嗰時，滙豐銀行推出過好幾輯廣告，帶出會同香港人並肩，邁向明天嘅主題。 呢個廣告主題好簡單但係溫馨，一對老夫老妻喺鏡頭面前講返相識嘅經過。 男：第一次見佢，咪響麵檔囉！ 女：我老豆個麵檔呀！ 男：為咗見佢呀！日日去食麵！ 女：收尾我忍唔住咪問佢囉:「喂，乜你真係好鐘意食麵架咩？」 男：我唯有請俾佢聽啦，「我唔係鐘意食你煮嘅麵，我係想見多你幾面㗎咋！」 講到呢度，佢哋各有所思，好似回味緊當時嘅日子。 旁白：滙豐深信，只有甘苦與共，關係至會深厚長久；只有互相信賴，至可以共創未來。 男：嘿！四十幾年囉，佢煮嘅面呀……」 當他欲言又止的時候，女嘅就好鬼馬咁瞄咗佢一眼。 其實呢對幕前老夫婦，係一對真嘅夫婦，兩個都係資深嘅話劇演員。 「我唔係鐘意食你煮嘅麵，我係想見多你幾面㗎咋！」呢句話可能好多人都印象深刻！ 成個廣告用大部分時間講一個故事，完全冇提過銀行嘅服務，只係從廣告內容帶出甘苦與共嘅支持， 最後先將主題同品牌連繫。呢種手法比較多用喺宣傳企業形象或產品形象嘅廣告。
